Novas

Este luns, o Consello da Xunta de Galicia autorizou o inicio do Proxecto de Desenvolvemento Urbanístico da ampliación. A previsión é que no primeiro trimestre de 2026 supere a avaliación ambiental, permitindo licitar as obras co obxectivo de que poidan comezar a principios de 2027.

O pasado venres presentamos a nova web e imaxe corporativa da Bolsa de Emprego do polígono, así como os novos contidos da web da nosa feira de emprego e formación, Sinerxías.

A Xunta Directiva do polígono mantivo nas instalacións do Centro de Promoción Económica do Polígono a primeira reunión de traballo con Daniel Pérez desde que tomou posesión do cargo de alcalde. No encontro participaron tamén Evencio Ferrero e Xosé Regueira.

No Proxecto de Orzamentos para a Comunidade Autónoma aprobado polo Consello da Xunta para 2026 destínanse 4.850.000 euros para a ampliación do polígono e 500.000 euros para a circunvalación de Carballo, que nos conectará directamente coas estradas de Ordes e Santiago.

Esta fin de semana celebráronse as dúas últimas sesións presenciais do programa, orientado a impulsar a transformación dixital das pemes. No peche acompañou aos participantes Venancio Salcines, reitor do Centro de Estudos Superiores Universitarios de Galicia (CESUGA).

A execución deste novo equipamento corresponderalle á empresa Conscy 2000, SL por un importe de 121.320 euros e estará operativa antes de que remate o ano. A báscula funcionará en modalidade electrónica e de autoservizo.

Os propietarios do polígono ratificaron os Estatutos e aprobaron a constitución formal da primeira Entidade de Conservación, Xestión e Modernización (ECOXEM) de Galicia. A nova entidade asumirá a xestión do polígono o 1 de xaneiro de 2026.

A conselleira de Economía e Industria, María Jesús Lorenzana, mantivo un encontro co tecido empresarial local nas instalacións do Centro de Promoción Económica do Polígono onde abordou a aprobación por parte do Consello da Xunta do PEOSE da ampliación.